Саха АССР хапсаҕайдаһан тустууга спорт маастара Валерий Васильевич Федоров Оҥхойун нэһилиэгэр, кэрэ аҥардарга анаан, хапсаҕайдаһан тустууга быйыл үһүс төгүлүн тэрийэн ыытта. Сүрүн убаһа бирииһи чугастыы сытар Хоро нэһилиэгиттэн Августа Павлова кыайан -хотон илдьэ барда, иккис миэстэни бэйэбит кыыспыт Харыстаана Хараарбах ылан Михайлов Владимир Васильевич туруорбут 10 000 тыһ. хаччынан бирииһинэн наҕараадаланна, үһүс бочуоттаах миэстэни ыаллыы сытар Мэйик нэһилиэгиттэн Антонина Алексеева ылан 5000 тыһ. наҕараадаланна. Кэрэ аҥардарбытыгар махталбыт муҥура суох отой интириэһинэй, тыҥааһыннаах киирсиилэри көрдөрдүлэр.